Leite corporal con leite galego ecolóxico e Milenrama da Ulloa

Leite corporal indicado para todo tipo de pel con leite ecolóxico de vaca procedente da “Granxa Maruxa”, todo un referente na produción ecolóxica; e oleato de milenrama ecolóxico das plantacións da cooperativa Milhulloa na comarca da Ulloa.
O leite galego ecolóxico ten un alto contido en vitaminas, proteínas e minerais, que nutren, suavizan e hidratan profundamente a pel. Estimulan ademais a produción de coláxeno, que vai axudar a manter a pel tersa e coa súa elasticidade natural.
O oleato de milenrama apórtalle a esta crema as súas propiedades purificantes, rexeneradoras e cicatrizantes. Trátase dunha planta ben coñecida e moi utilizada tradicionalmente polo seu poder cicatrizante, sábese que mesmo os soldados romanos adoitaban levala consigo para aplicala nas feridas.
A unión destes dous ingredientes naturais garanten unha pel hidratada, suave e protexida.
Ademais das súas propiedades, estamos seguras de que o seu aroma de herba acabada de cortar acabará por transportarte aos vales de onde procede.
Cantidade: 250 ml.