Xabón artesán de áloe vera

Xabón con áloe vera a base de aceites naturais de oliva e coco indicado para rexenerar, hidratar e reparar todo tipo de peles. O áloe resulta especialmente beneficioso para as peles sensibles, estragadas ou con irritacións ou pequenas feridas como as que se poden producir despois da depilación.

As propiedades cicatrizantes, calmantes e antiinflamatorias do áloe vera son ben coñecidas e por este motivo vense utilizando tradicionalmente para aliviar queimaduras, pequenas feridas, irritacións ou mesmo picaduras de insectos.

Ademais apórtalle á pel nutrintes naturais como vitaminas, minerais, aminoácidos ou encimas que favorecen a produción de células novas resultando un potente rexenerador da epiderme.

Os nutrintes naturais que ten resultan tamén moi beneficiosos para devolverlle ao cabelo a súa resistencia e flexibilidade naturais.

Pastilla de 90 gr.